"ad hoc" Treffen rund um Bern

[situ]

Ha mir erloubt, das mal hi ine z'setze, dermit's am richtige Ort isch.

Also, bi guetem Wätter wäri das Wuchenend (4./5. Mai) allefalls churz e Chribu über e Gurnigel oder am Sunntig es rendez-vous im Kurve-Kafi agseit. Oder beides...
https://www.hessmoto.ch/index.php?sectio...event&id=0

E Gruess, Andres

[Yankeededandy]

Hoi Andres

1A Idee, aber das häsch jetz zumene schaurig blööde Ziitpunkt plahnet. Da sind d' Schwiizer Yankees scho am Packe vo de Lümpe für's Tüürli i'd Toskana. Däbii würd's eus so freuä, dich widder ämal z'gseh. Au wänn ich diin luschtige Dialäkt chuum verschtaande als zuzogene Zuger. Aber Corvette Züügs schnurre gaht ja in allne Schprache.

Vill Vergnüege bim Bänzin värnichte und bis zum nöchschte Mal.

Martin

[situ]

Herrläch! Häbets guuet! Fröie mi uf z'nächscht Mal!

[Scarbon]

We d`s Wätter passt bini bim Gurnigu färtli dr bi.

Gseht aber lut vorhärsag schlächt us.
Me wirds de gseh.

Gruess Marcel

[situ]

Ds Wätter gseht für morn nid würklech stabil us

So wie's usgseht, begleite mir e Kolleg as Chäfer-Träffe in Brienz. Bi dene spielt's kei Rolle, wenn sie verrägnet wärde

Ev. am Morge no rasch uf nes Kafi im Kurve-Kafi verbii. Gurnigel für üs daher vertagt bis uf bessers Wätter.

Leider!

[situ]

Ha mi also für hüt vomene Chäfer-Fahrer lah überrede, uf Brienz as Chäfer-Träffe gah z'luege. Ds Wätter het erstuunlicherwiis g'häbt (ha der Schirm nid bruucht) und d'Location isch schön gsi. D'Chind hei Freud gha...

D'Chäfere - naja - härzig... Eifach echly Knatterchischte... :-)

[buumeli]

Aha :-) In Brienz waren die! Habe haufenweise VW's gesehen und mir gedacht, da seie irgendwo ein Nest :-)
Wer was das in der Schwarzen Z den ich bei Interlaken gekreuzt habe?

[situ]

Maichäfer halt...